Ev / Xəbərlər / Güney Azərbaycan / Yürüş Mehrəlibəylinin səhhəti pisləşib

Yürüş Mehrəlibəylinin səhhəti pisləşib

Təbriz həbsxanasında 22 gündür aclıq aksiyası keçirən azərbaycanlı siyasi məhbusun həyatı üçün təhlükə yaranıb. www.D-A-K.org –un “Oyannews”a istinadən verdiyi məlumata görə, Yürüş Mehrəlibəyli (Ayət) mayın 3-də bacısı ilə telefonla danışıb və səhhətinin kəskin pisləşdiyini bildirib. O, kəskin mədə ağrısından və yuxusuzluqdan əziyyət çəkdiyi bildirib.

Y.Mehrəbəyliyə dəstək məqsədilə 20 güneyli qadın fəal mayın 4-də bəyanat yayaraq, aclıq aksiyasına başladıqlarını bildiriblər.

Qeyd edək ki, İran adlanan yerin İnformasiya, Təhlükəsizlik və Kəşfiyyat Nazirliyinin (ETTELAAT) Y.Mehrəlibəylini 2013-cü il yanvarın 9-da Təbriz şəhərində həbs edib. O, Yeni GAMOH təşkilatının Mərkəzi Komitəsinin üzvüdür. Təbriz İnqilab Məhkəməsi azərbaycanlı fəalı hakimiyyət əleyhinə təbliğat aparmaq və qanunsuz təşkilat yaratmaqda günahlandıraraq 9 il müddətinə azadlıqdan məhrum edilməsi barədə qərar qəbul edib. Qərar Şərqi Azərbaycan vilayətinin Apelyasiya Məhkəməsi tərəfindən də təsdiqlənib.

Həmçinin bax!

Oğuz TV

Oğuz xəbər – 18 Yan 2016

       

Kommentera