“Türkvision” mahnı festivalı keçiriləcək

Sentyabrın 10-da “Türkvision” mahnı festivalı öz işinə başlayacaq. www.D-A-K.org –un APA-ya istinadən yaydığı məlumatına görə, festivalda 22 ölkə iştirak edəcək. Türk dünyasının sənətçiləri ölkələrində tanınan mahnılarını bu dəfə türk dilində səsləndirəcəklər.

Dənizli Böyükşəhər Bələdiyyəsi, Dənizli Valiliyi və TRT-nin birgə təşkil etdiyi festival sentyabrın 10-dan 12-dək keçiriləcək. Festivalın qala gecəsi sentyabrın 13-də “TRT Müzik” kanalında canlı yayımlanacaq.

Sentyabrın 11-də “Açıq hava teatrı”nda çıxış edəcək 11 ölkə sənətçisini İzmir və Ankara radioları sənətçilərindən Əli Çakar və Zeynəb Cihan da müşayiət edəcək. /Panoram.az/