Onlar Azərbaycan türklərini Urmiya gölünün quruma təhlükəsinin qarşısını almağa çağırır

Urmiya şəhərinin ziyalıları, milli-mədəni fəalları, yazıçıları, jurnalistləri və tələbələri bəyanat yayıblar. www.D-A-K.org –un GünAzTV-yə istinadən yaydığı məlumata görə, onlar Urmiya gölünün qurumasına əsas səbəb kimi ölkənin səlahiyyətli orqanlarının və yerli yetkililərin qabaqlayıcı tədbirlər görməməsini göstəriblər. Bəyanatda soydaşlarımız “Traktor” azarkeşlərinin təşəbbüsünü alqışladıqlarını bəyanlayaraq, bütün Azərbaycanı sevən insanları kampaniyaya qoşulmağa çağırırlar:

Sənəddə həbsdəki jurnalistlərin sayına görə İran adlanan yer dünyada lider olduğu bildirilir

Jurnalistləri Müdafiə Komitəsi (CPJ) 2010-cu ilin fevral ayı üzrə hesabatını açıqlayıb. www.D-A-K.org –a daxil olan məlumata görə, sənəddə bildirilir ki, dünya üzrə həbsdə olan jurnalistlərin üçdə biri İran adlanan yerin payına düşür. Belə ki, hazırda bu ölkədə həbsdə olduğu bilinən jurnalistlərin sayı fevral ayında 52-yə çatıb. İran adlanan yerdən sonra ən çox jurnalist Çində həbsdədir - 24 nəfər. Daha sonra 22 nəfərlə Kuba gəlir. Bundan əlavə. İran adlanan yer bir sıra qəzetlərin nəşrinə qadağa qoyub.

Bu gün Güney Azərbaycanın şərq əyalətində zəlzələ baş verib. www.D-A-K.org –a daxil olan məlumata görə, martın 10-da səhər saatlarında qeydə alınan yeraltı təkanların gücü Rixter şkalası üzrə 3,5 bal təşkil edib. Tehran Universitetinin Geofizika İnstitutu yanında Seysmoloji Mərkəz zəlzələnin yerli vaxtla saat 06:06-da baş verdiyini və yeraltı təkanların episentrinin sakinlərinin əksəriyyəti azərbaycanlılar olan Şərbiya şəhərinin şimalına düşdüyünü açıqlayıb. Dağıntı və tələfat barədə hələlik məlumat yoxdur.

Rəsmi Tehran Londonda baş verənlərdən qəzəblənib

İran adlanan yerin hökumətyönlü "Mehr" informasiya agentliyi martın 9-da rəsmi Bakını Azərbaycanın dahi şairi Nizami Gəncəvini mənimsəməkdə günahlandırıb. www.D-A-K.org –un “Mediaforum”a istinadən yaydığı məlumata görə, agentliyin yaydığı "İran adlanan yerin dahilərinin Azərbaycan Respublikası tərəfindən müsadirə olunması davam edir" başlıqlı materialda deyilir:

“Amnesty İnternational”ın dəstəklədiyi aksiyada yerli ictimaiyyətə Güney Azərbaycanın durumu haqda da məlumat verilir

Martın 7-dən Almaniyanın Heydelberq şəhərində hazırda Tehrandakı Evin həbsxanasında qanunsuz olaraq saxlanılan jurnalist Səid Mətinpur və Güney Azərbaycanla bağlı imzatoplama kampaniyası başlayıb. www.D-A-K.org –un “BayBak”a istinadən yaydığı məlumata görə, bir güneyli soydaşımızın səyləri nəticəsində “Amnesty İnternational” (Beynəlxalq Əfv Təşkilatı) Səid Mətinpur və Güney Azərbaycanın durumu haqda alman ictimaiyyətini məlumatlandırmaq üçün “Avropa Studio” kinoteatrının qarşısında özündə bütün informasiyaları əks etdirən stol yerləşdirib.

ABŞ hökuməti isə bu ölkəyə internet və informasiya kommunikasiya texnologiyalarının ixracına icazə verəcək qanun layihəsi hazırlayıb

İngiltərənin “Financial Times” qəzetinin yazdığına görə, dünyanın ən böyük neft şirkətləri İran adlanan yerə yanacaq satmaqdan imtina edib. www.D-A-K.org –a daxil olan məlumata görə, hər gün 130 min barel yanacaq idxal edən Tehrana bu miqdarın təqribən yarısını tədarük edən “Vitol”, “Glencore” və “Trafigura” şirkətlərinin yanacaq satışını dayandırdığı bildirilir.

Bu gün ilaxır çərşənbələrdən üçüncüsü - yel çərşənbəsidir. www.D-A-K.org –a daxil olan məlumata görə, xalq arasında bu çərşənbəyə Yel çərşənbəsi, Yelli çərşənbə, Küləkli çərşənbə, Hava çərşənbəsi, Külək oyadan çərşənbə deyirlər. Yel çərşənbəsi yelin təzəcə çıxmış otları oyadaraq, Novruzun gəlişi barədə xəbərdar etməsi ilə bağlıdır.

Vəkil Tağı Mahmudi: “Müvəkkilim hətta yeriyə də bilmir, o, axsamağa başlayıb”

“Artıq məsələylə əlaqədar müstəntiqə müraciət etmişəm və ona hər şeyi açıqlamışam”

Güney Azərbaycan Milli Hərəkatının fəalı, jurnalist Abdulla Səduqinin (Güntay) vəkili Tağı Mahmudi “Ruz” saytına müsahibəsində bildirib ki, müdafiə etdiyi vəkil 2010-cu il yanvarın 18-də İran adlanan yerin rəsmi və səlahiyyətli orqanları tərəfindən icazə verilmiş “Traktor”un afişalarını Azərbaycan türkcəsində nəşr etdiyinə görə həbsə alınıb. www.D-A-K.org –un “Savalan Səsi” xəbər saytına istinadən yaydığı məlumata görə, o bildirib ki, afışalarda “Yaşasın “Traktor!”” və “Yaşasın Azərbaycan!” kimi ifadələr Azərbaycan türkcəsində yazılıb:

Hazırda sifətindən bıçaq yarası alan Vədud Səadətinin vəziyyəti pisdir, hətta onun burnun sındığı bildirilir

Hazırda Ərdəbil həbsxanasında saxlanılan Güney Azərbaycan Milli Hərəkatının fəalları Behruz Əlizadə, Vədud Səadəti, Əli Abbasi və Rəhim Qulami döyülüb və ağır yaralar alıblar. www.D-A-K.org –un GünAzTV-yə istinadən yaydığı məlumata görə, Ərdəbil həbsxanasının rəisi Ənzabi soyadlı şəxs ölüm cəzasına məhkum edilmiş bir neçə məhbusu zindanın 7-ci bölümünə (soydaşlarımızın saxlanıldığı korpus) göndərib.

Könül CƏFƏRLİ 

Tarix öz-özünə yazılmır. Tarixi yazanlar olur. Qəhrəmanlıq tarixindən danışıram. Bu tarixin yeni səhifələrindən birini yazan qəhrəmandan – Bütöv Azərbaycanın ərdəbilli oğlu Əjdər Tağızadədən söz açmaq istəyirəm. O, İran adlanan yerdə güneyli soydaşlarımızın milli və vətəndaş haqlarını çeynəyən fars şovinist rejiminə qarşı mübarizə aparan, Cənubi Azərbaycanın istiqlalı uğrunda fəaliyyət göstərən, ömrünün 20 ildən çoxunu bu amala həsr edən soydaşımızdır. 1986-cı ildən İsveç Krallığında siyasi mühacir həyatı yaşayan Ə.Tağızadə bu gün də irtica fars rejiminə qarşı yorulmaq bilmədən mübarizə aparır.

İran adlanan yerin polisi stadiondan çıxarkən milli şüarlar səsləndirən soydaşlarımıza hücüm çəkib

Nəticədə 5 nəfər tutulub və bir neçə azarkeş də yaralanıb

Martın 6-da Güney Azərbaycanın Təbriz şəhərini İran adlanan yerin futbol üzrə ölkə çempionatında təmsil edən “Traktor” komandası yerli vaxtla saat 15.00-da doğma divarlar arasında İsfahan şəhərinin “Sepahan” klubunu qəbul edib. www.D-A-K.org –un GünAzTV-yə istinadən yaydığı məlumata görə, Təbrizin Səhənd (Yadigar-e İmam) stadionunda keçirilən qarşılaşma 1-1 hesabıyla başa çatıb.

Dünya Azərbaycanlıları Konqresi (DAK) 8 Mart Beynəlxalq Qadınlar Günü münasibətilə dünyanın müxtəlif ölkələrində yaşayan Azərbaycan qadınlarını səmimi qəlbdən təbrik edir. Təbrikdə deyilir: “Ülvilik, zəriflik və gözəllik rəmzi olan qadın adı ölkəmizdə hər zaman uca tutulub. 1918-ci ildə Şərqdə ilk dəfə seçib-seçilmək hüququ qazanan Azərbaycan qadını XX əsrdə qısa müddət ərzində bir neçə əsrə bərabər inkişaf yolu keçib. Eyni zamanda Azərbaycan qadını bütün dövrlərdə öz istedadı, zəkası və iradəsi ilə milli-mənəvi dəyərlərimizin qorunub saxlanması və yaşadılmasında müstəsna xidmətlər göstərib. Onlar xalqın maariflənməsi, mədəniyyətimizin yüksəlişi və müasir dövlətimizin qurulmasında daim yüksək peşəkarlıq və fədakarlıq nümayiş etdirib. Cəmiyyətimizdə qadınlara göstərilən yüksək ehtiram mədəniyyət, elm, təhsil, səhiyyə və digər istiqamətlərdə onlara bilik və bacarıqlarını gerçəkləşdirmək üçün əlverişli zəmin yaradıb. Qadınlarımız bu gün də müxtəlif sahələrdə, o cümlədən vətəndaş cəmiyyəti quruculuğunda və mədəniyyətlərarası dialoqun formalaşdırılmasında öz intellektual potensiallarını əsirgəmirlər. Ümidvarıq ki, qadınlarımız gənc nəslin Vətənə, torpağa məhəbbət, milli dövlətçiliyə və bütövlük məfkurəsinə sədaqət ruhunda tərbiyəsinə xüsusi diqqət yetirəcəklər”.

Hörmətli xanımlar!

DAK olaraq Sizi, dünyanın müxtəlif ölkələrində yaşayan Azərbaycan qadınlarını 8 Mart Beynəlxalq Qadınlar Günü münasibətilə səmimi qəlbdən təbrik edir, hər birinizə cansağlığı, xoşbəxtlik və işlərinizdə müvəffəqiyyətlər arzulayırıq.

Bayramınız mübarək olsun!

DAK həmsədrləri Sabir Rüstəmxanlı və Firidun Pərviznia

DAK Daimi Şurasının sədri Əjdər Tağızadə

DAK İdarə Heyətinin üzvləri və fəalları

Səfəvilər dövlətinin paytaxtları olan hər iki şəhərin komandaları meydandan sülhlə ayrıldı

Martın 6-da Güney Azərbaycanın Təbriz şəhərini İran adlanan yerin futbol üzrə ölkə çempionatında təmsil edən “Traktor” komandası yerli vaxtla saat 15.00-da doğma divarlar arasında İsfahan şəhərinin “Sepahan” klubunu qəbul edib. www.D-A-K.org –a daxil olan məlumata görə, Təbrizin Səhənd (Yadigar-e İmam) stadionunda keçirilən qarşılaşmaya iş günü olmasına baxmayaraq, 60 min azarkeş gəlib.

Fevralın 26-dan martın 1-dək İran adlanan yerin Qum şəhərində keçirilmiş yunan-Roma güləşi üzrə beynəlxalq turnirə qatılmış Azərbaycan və Türkiyə komandalarını dəstəklədiklərinə görə həbsə alınmış soydaşlarımız müvəqqəti azadlığa buraxılıb. www.D-A-K.org –a daxil olan məlumata görə, milli fəallar Rəhim Hüseynzadə və Ruhulla Heydəri martın 2-də mülk girovu müqabilində sərbəstliklərinə qovuşublar. Onlar təcridxanada saxlanıldığı 5 gün müddətində dəfələrlə sorğu-suala tutulub və ağır işgəncələrə məruz qalıblar.

Tehranın Şəhid Rəcai Universitetinin azərbaycanlı tələbələrinin buraxdığı "İnam" dərgisinin növbəti sayı işıq üzü görüb. www.D-A-K.org –a daxil olan məlumata görə, bu nömrədə YUNESKO baş katibinin 21 fevral Ümumdünya Ana dili Günüylə bağlı bəyanatı, mədəni və ictimai inkişafın müxtəlifliyi, Xocalı soyqırımı, Ciloluq faciəsi və s.yazılar dərc olunub.

Hər il Kanadada ölkədə yaşayan millətlər arasında rəqs festivalı keçirilir. www.D-A-K.org –a daxil olan məlumata görə, Toronto şəhərindəki York Universitetində keçirilən budəfəki tədbirdə bu ölkədə fəaliyyət göstərən "Təbriz" rəqs qrupu qatılıb. Azərbaycanın folklor rəqsini uğurla nümayiş etdirən soydaşlarımız tamaşaçıların böyük rəğbətini qazanıb.

"Rəsmi Bakının Tehrana qaz verməsi, elektrik enerjisi ötürməsi, o cümlədən benzin və kerosin məhsulları ixracı mümkün olmayacaq"

Son zamanlar İranla Azərbaycan arasında münasibətlər gərginləşib. Politoloq Qabil Hüseynli bildirir ki, iki ölkə arasındakı münasibətlərdə demək olar görünməmiş hadisələr baş verir: "Rəsmi Tehran Azərbaycanı İranın bir nömrəli düşməni olan İsraili düz burnunun dibində yerləşdirməkdə günahlandırır. Halbuki burada söhbət suveren bir dövlətin digər bir suveren dövlətlə münasibətlər yaratmasından gedir.